ആലത്തിയൂർ: ദാറുൽ ഖുർആനിൽ നടന്ന റിപ്പബ്ലിക് ദിനാഘോഷ പരിപാടികൾ പ്രൊഫ. ആബിദ് ഹുസൈൻ തങ്ങൾ എം.എൽ.എ ഉദ്ഘാടനം ചെയ്തു. രാജ്യം 77-ാമത് റിപ്പബ്ലിക് ദിനം ആഘോഷിക്കുന്ന വേളയിൽ ഭരണഘടനയെയും രാജ്യ ശില്പികളെയും ഓർക്കണമെന്നും ഭരണ ഘടനയുടെ ചരിത്രവും മഹത്വവും പുതു തലമുറ വ്യക്തതയോടെ തിരിച്ചറിയണമെന്നും ചരിത്രം മറക്കാതിരിക്കുകയെന്നതാണ് കാലഘട്ടത്തിന് ആവശ്യമെന്നും അദ്ദേഹം പറഞ്ഞു. തൃപ്രങ്ങോട് ഗ്രാമ പഞ്ചയത്ത് പ്രസിഡൻ്റ് മുജീബ് പൂളക്കൽ മുഖ്യാതിഥിയായി പങ്കെടുത്തു.
ദാറുൽ ഖുർആൻ ഡയറക്ടർ മുഹമ്മദ് നൂറുൽ അമീൻ അധ്യക്ഷത വഹിച്ചു. ഭരണ ഘടന നമുക്ക് നൽകുന്ന പരിരക്ഷയെയും സംരക്ഷണത്തെക്കുറിച്ചും അറിവുള്ളവരാകണമെന്നും ഭരണഘടന ന്യൂനപക്ഷങ്ങൾക്കും അടിച്ചമർത്തപ്പെടുന്ന ജനവിഭാഗത്തിനും എപ്രകാരമാണ് പരിരക്ഷ നൽകുന്നതെന്നും അതിൽ നമ്മുടെ മുൻഗാമികൾക്കുണ്ടായ ദീർഘവീക്ഷണവും നാം തിരിച്ചറിയണമെന്നും മൗലാനാ അബുൽ കലാം ആസാദിൻ്റെ ദീർഘവീക്ഷണത്തെക്കുറിച്ചും അദ്ധേഹത്തിൻ്റെ അഞ്ച് പ്രവചനങ്ങളുടെ പ്രാധാന്യവും അദ്ദേഹം വിദ്യാർത്ഥികളെ ഉണർത്തി.
ചരിത്രത്താളുകളിൽ രേഖപ്പെടുത്തപ്പെട്ട രാജ്യ ശിൽപ്പികളെ ഓർക്കാതെ നമുക്ക് ഈ ദിനം മുന്നോട്ട് കൊണ്ട് പോകാനാകില്ലെന്ന് മോർണിംഗ് സ്റ്റാർ ഇൻ്റർ നാഷണൽ സെക്രട്ടറി അൻവർ കള്ളിയത്ത് പറഞ്ഞു. കെ.കെ. അബ്ദു റസാഖ് ഹാജി പ്രസംഗിച്ചു. ദാറുൽ ഖുർആൻ റസിഡൻഷ്യൽ സ്കൂൾ പ്രിൻസിപ്പൾ ഷിംന മുഹമ്മദ് ചടങ്ങിന് സ്വാഗതം പറഞ്ഞു.
ഒരു അഭിപ്രായം പോസ്റ്റ് ചെയ്യൂ